| ☜15 |
16
English • Latine
|
17☞
|
pedicabo ego vos et inrumabo,
Aureli pathice et cinaede Furi,
qui me ex versiculis meis putastis,
quod sunt molliculi, parum pudicum.
nam castum esse decet pium poetam 5
ipsum, versiculos nihil necesse'st,
qui tum denique habent salem ac leporem,
si sunt molliculi ac parum pudici
et quod pruriat incitare possunt,
non dico pueris, sed his pilosis, 10
qui duros nequeunt movere lumbos.
vos, quom milia multa basiorum
legistis, male me marem putatis?
pedicabo ego vos et inrumabo.
Vocaubula
paranda
Notae
parandaContextus
paranda
Quaestiones ad comprehendendum
Alii Fontes
Perseus
Disputatur a Thoma Nelson Winter (Universitatis Nebrascae)
Disputatur apud io9 (anglice)
No comments:
Post a Comment