Catullus 75 – latine

☜74

75 English • Latine

76☞

nunc est mens diducta tua, mea Lesbia, culpa,
     atque ita se officio perdidit ipsa suo, 
ut iam nec bene velle queat tibi, si optima fias,
      nec desistere amare, omina si facias.

Vocaubula

paranda

Notae

paranda

Contextus
paranda

Quaestiones ad comprehendendum

Alii Fontes
Perseus

Catullus 79 – latine

☜78

79 English • Latine

80☞

Lesbius est pulcher: quidni? quem Lesbia malit
     quam te cum tota gente, Catulle, tua. 
sed tamen hic pulcher vendat cum gente Catullum,
      si tria notorum savia reppererit.

Vocaubula

paranda

Notae

paranda

Contextus
paranda

Quaestiones ad comprehendendum

Alii Fontes
Perseus

Catullus 83 – latine

☜82

83 English • Latine

84☞

Lesbia mi praesente viro mala plurima dicit:
     haec illi fatuo maxima laetitia'st. 
mule, nihil sentis. si nostri oblita taceret,
      sana esset: nun quod gannit et obloquitur,
non solum meminit, sed quae multo acrior est res            5
      irata'st. hoc est, uritur et coquitur.

Vocaubula

paranda

Notae

paranda

Contextus
paranda

Quaestiones ad comprehendendum

Alii Fontes
Perseus

Catullus 86 – latine

☜85

86 English • Latine

87☞

Quintia formosa'st multis, mihi candida, longa, 
     recta'st. haec ego sic singula confiteor, 
totum illud formosa nego: nam nulla venusta's,
    nulla in tam magno'st corpora mica salis.
Lesbia formosa'st, quae cum pulcherrima tota'st,      5
    tum omnibus una omnes surripuit Veneres. 

Vocaubula

paranda

Notae

paranda

Contextus
paranda

Quaestiones ad comprehendendum

Alii Fontes
Perseus

Catullus 92 – latine

☜91

92 English • Latine

93☞

Lesbia mi dicit semper male nec tacet umquam 
     de me: Lesbia me dispeream nisi amat.
quo signo? quia sunt totidem mea: deprecor illam
     absidue, verum dispeream nisi amo.

Vocaubula

amō (1) – aliquem in amōre habēre
assiduus, a, um – adi – quī semper adest, negōtiōsus
dē – praep + acc – locus dēscendēns ab aliquō
dēprecor, -ārī, -ātus sum – precātiōne vītāre
dīcō, -ere, dīxī, dictum – fārī, loquī
dispereō, -īre, -īvī, -itum – perdere, perīre
ego – pronōmen – ad persōnam prīmam pertinet
ille, illa, illud – adi, pronōmen – indicat aliquid nec prope locūtōrem nec audītor
Lesbia, -ae – f – Clōdia, amasia Catullī
male – adv – pravē factum, nocitūrō modō
meus, a, um – adi – quod ad mē pertinet
nec –coni – et nōn
nisi – coni – sī nōn, omnia ūnō exceptō
quī, quae, quod – pronōmen – pronōmen relātīvus
quia – coni – quoniam, quod
semper – adv – sempiternum, aeternē
signum, -ī – n – quod ostendit aliquid, indicium
sum, esse, fuī, futūrus – exstāre
taceō, -ēre, -uī, -itum – silēre, quiēscēns manēre
totidem – adv – tam multa quam putātur, nec plūs nec minus
umquam – adv – ūllō tempore, aliquandō
vērus, -a, -um – adi – quod exstat, quod nōn est falsum

Notae

4. absiduē – aliī fontēs dīcunt "assiduē"

Contextus
paranda

Quaestiones ad comprehendendum

Alii Fontes
Perseus

Catullus 107 – latine

☜106

107 English • Latine

108☞

siquoi quid cupido optantique obtigit umquam
     insperanti, hoc est gratum animo proprie.
quare hoc est gratum nobisque est carius auro,
     quod te restituis, Lesbia, mi cupido,
restituis cupido atque insperanti ipsa refers te.          5
     nobis o lucem candidiore nota!
quis me uno vivit felicior, aut magis hac res
     optandas vita dicere quis poterit? 

Catullus 58 – latine

☜57

58 English • Latine

59☞

Caeli, Lesbia nostra, Lesbia illa,
     illa Lesbia, quam Catullus unam
plus quam se atque suos amavit omnes,
    nunc in quadriviis et angiportis
glubit magnanimos Remi nepotes.                  5

Catullus 7 – latine

☜6

7 English • Latine

8☞

quaeris, quot mihi basiationes
     tuae, Lesbia, sint satis superque.
quam magnus numerus Libyssae arenae
     lasarpiciferis iacet Cyrenis,
oraclum Iovis inter aestuosi                        5
     et Bati veteris sacrum sepulcrum,
aut quam sidera multa, cum tacet nox, 
     furtivos hominum vident amores,
tam te basia multa basiare
     vesano satis et super Catullo'st                10
quae nec pernumerare curiosi
     possint nec mala fascinare lingua.

Catullus 5 – latine

☜4

5 English • Latine

6☞

vivamus, mea Lesbia, atque amemus,
     rumoresque senum severiorum
omnes unius aestimemus assis.
     soles occidere et redire possunt:
nobis cum semel occidit brevis lux,                        5
     nox es perpetua una dormienda.
da mi basia mille, deinde centum, 
     dein mille altera, dein secunda centum,
deinde usque altera mille, deinde centum.
     dein, cum milia multa fecerimus,                      10
conturbabimus illa, ne sciamus,
     aut ne quis malus invidere possit,
cum tantum sciet esse basiorum.

Vocaubula

aestimō, -āre, -āvī, -ātum – facere aut dare pretium alicui
aliquis, aliquid – pronōmen – quīdam, sed singularior quam quīdam
alter, -era, -erum – adi – secundum inter duo
amō (1) – aliquem in amōre habēre
as, assis – m – nummus parvī pretiī, 2.5 assēs 1 sēstertium faciunt
atque – coni – et
aut – coni – coniunctiō quae dat alternatīvum inter duās optiōnēs
bāsium, -ī – n – osculum
brevis, -e – adi – quod est longitudine parvum, quod nōn est longus
centum – adi – deciēs decem
conturbō, -āre, -āvī, -ātum – cōnfundere
cum – coni – quandō eōdem munere fungitur rogāndō
deinde – adv – tunc, ab illō locō
dō, dare, dedī, datum – donāre, tradere sine coactū
dormiō, -īre, -īvī, -ītum – nocte quiēscere etiam somniāns
ego – pronōmen – ad persōnam prīmam pertinet

et – coni – atque, coniunctiō quae duās sententiās vel eārum partēs iungit

faciō, -ere, fēcī, factum – agere
ille, illa, illud – adi, pronōmen – indicat aliquid nec prope locūtōrem nec audītor

invideō, -ēre, -vīdī, -vīsum – oculīs fascināre, alicui limīs oculīs aspicere
Lesbia, -ae – f – Clōdia, amasia Catullī

lūx, lūcis – f – quam facit sōl, lūmen
malus, -a, -um – adi – quod nōn est bonum, pravum
meus, -a, -um – adi – quod ad mē pertinet

mīlle, mīlia – adi – deciēs centum
multum, -a, -um – adi – quod nōn est paucum

nē – coni – talī modō subordinantur dēsīderāta negatīva
nōs – pronōmen – ad persōnam prīmam plūrālemque pertinet
nox, noctis – f – pars diēī cui dēest lūx, tempus noctūrnāle
occidō, -ere, -cīdī, -cāsum – vī cadere, morī
omnis, -e – adi – cunctus
perpetuus, -a, -um – adi – sempiternus
possum, posse, potuī – quod per vim prōprium nec per aliōs efficitur
-que – coni enclitica – et
redeō, -īre, -īvī, -itum – regredī
rumor, -ōris – m – fāma
sciō, -īre, -īvī, -ītum – aliquid in mente tenēre, cognōscere
secundus, -a, -um – adi – alterum
semel – adv – singillatim agere nec bis
senex, senis – adi – vetus, fere semper ad hominēs pertinet
sevērus, -a, -um – adi – gravis aut vultū aut animō ipsō
sōl, sōlis – m – stella diūrna quae lūcem dat
sum, esse, fuī, futūrus – exstāre
tantum – adv – adeō, tam multum, valdē
ūnus, -a, -um – adj – aliquid singulum, nec duo nec plūra
usque – adv – continuē, sine intercapēdine

vīvō, ere, vīxī, vīctum – vītam agere, quī nōn est mortuus

Catullus 85 – English

☜84

85 English • Latine

86☞

odi et amo. quare id faciam, fortasse requiris
     nescio, sed fieri sentio et excrucior.

Vocaubulary

amō (1) – love
et – conj – and
excruciō (1) – torture
faciō, -ere, fēcī, factum – make, do
fīō, fierī, factus sum – become, happen
fortasse – adv – maybe
is, ea, id – pronoun – he, she, it
nesciō (4) – not know
ōdī, ōdisse – hate
quārē – adv – why, what reason
requīriō, -ere, -īsīvī, -īsītum – ask, seek
sed – conj – but
sentiō, -īre, sēnsī, sēnsum – feel, think
Notes
1. faciam – subjunctive, because of indirect question
nescio – short o, which is usually long ō, is for meter
2. fierī – compliments sēntiō

Roganda ad compraehendendum 
1. Quid agit Catullus? Quinque sunt responsa. (Fortasse etiam sex.)
2. Quae praecedentum sunt ad causam? Quae ad consequentia?
3. Quid lector requirit? Responde incipiens, “Catulle…”
4. Quomodo respondit Catullus uno verbo?
5. Cur ita respondit Catullus?

Take me to the Latin-only version.

Catullus 85 – latine

☜84

85 English • Latine

86☞

odi et amo. quare id faciam, fortasse requiris
     nescio, sed fieri sentio et excrucior.

Vocaubula

amō (1) – aliquem in amōre habēre
et – coni – iunctiō inter duās rēs
excruciō (1) – torquere
faciō, -ere, fēcī, factum – agere
fīō, fierī, factus sum – agī
fortasse – adv – forsitan, sine modo coniunctīvō
is, ea, id – pronōmen – tamquam is, ea, id
nesciō (4) – nōn scīre
ōdī, ōdisse – aliquem in ōdiō habēre
quārē – adv – cūr
requīriō, -ere, -īsīvī, -īsītum – rogāre
sed – coni– iunctiō quae duās rēs distinguit interstāns
sentiō, -īre, sēnsī, sēnsum – animō sēnsibusve tangī, arbitārī

Notae
1. faciam – coniunctivi modi ob quaestionem indirectam
nescio – brevis o, quae esse solet producta ō, causa metris

2. fierī – complet verbum “sēntiō”

Roganda ad compraehendendum 
1. Quid agit Catullus? Quinque sunt responsa. (Fortasse etiam sex.)
2. Quae praecedentum sunt ad causam? Quae ad consequentia?
3. Quid lector requirit? Responde incipiens, “Catulle…”
4. Quomodo respondit Catullus uno verbo?
5. Cur ita respondit Catullus?


Latine explicatum

Alii fontes
Poema modo Oerbergiano explicata
Perseus

Fer me in versionem anglicam.