noli admirari, quare tibi femina nulla,
Rufe, velit tenerum supposuisse femur,
non si illam rarae labefactes munere vestis
aut perluciduli deliciis lapidis.
laedit te quaedam mala fabula, qua tibi fertur 5
valle sub alarum trux habitare caper.
hunc metuunt omnes. neque mirum: nam mala valde'st
bestia, nec quicum bella puella cubet.
quare aut crudelem nasorum interfice pestem,
aut admirari desine cur fugiunt. 10
Vocaubula
paranda
Notae
paranda
Contextus
paranda
Quaestiones ad comprehendendum
Alii Fontes
Perseus
nulli se dicit mulier mea nubere malle
quam mihi, non si se Iuppiter ipse petat.
dicit: sed mulier cupido quod dicit amanti
in vento et rapida scribere oportet aqua.
Vocaubula
paranda
Notae
paranda
Contextus
paranda
Quaestiones ad comprehendendum
Alii Fontes
Perseus
siquoi iure bono sacer alarum obstitit hircus,
aut siquem merito tarda podagra secat,
aemulus iste tuos, qui vostrum exercet amorem,
mirifico'st fato nactus utrumque malum
nam quotiens futuit, totiens ulciscitur ambos: 5
illam adfligit odore, ipse perit podagra.
Vocaubula
paranda
Notae
paranda
Contextus
paranda
Quaestiones ad comprehendendum
Alii Fontes
Perseus
dicebas quondam solum te nosse Catullum,
Lesbia, nec prae me velle tenere Iovem.
dilexi tum te non tantum ut volgus amicam,
sed pater ut gnatos diligit et generos.
nunc te cognovi: quare etsi inpensius uror, 5
multo mi tamen es vilior et levior.
qui potisest? inquis. quod amantem inuria talis
cogit amare magis, sed bene velle minus.
Vocaubula
paranda
Notae
paranda
Contextus
paranda
Quaestiones ad comprehendendum
Alii Fontes
Perseus
desine de quoquam quicquam bene velle mereri
aut aliquem fieri posse putare pium.
omnia sunt ingrata, nihil fecisse benigne
prodest, immo etiam taedet obestque magis
ut mihi, quem nemo gravius nec acerbius urget, 5
quam modo qui me unum atque unicum amicum habuit.
Vocaubula
paranda
Notae
paranda
Contextus
paranda
Quaestiones ad comprehendendum
Alii Fontes
Perseus
Gellius audierat patruom obiurgare solere,
siquis delicias diceret aut faceret.
hoc ne ipsi accideret, patrui perdepsuit ipsam
uxorem et patruom reddidit Harcopoctratem.
quod voluit fecit: nam, quivis inrumet ipsum 5
nunc patruom, verbum non faciet patruos.
Vocaubula
paranda
Notae
paranda
Contextus
paranda
Quaestiones ad comprehendendum
Alii Fontes
Perseus
Rufe mihi frustra ac nequiquam credite amico
(frustra? immo magno cum pretio atque malo)
sicine subrepsti mei, atque intestina perurens
ei misero eripuisti omnia nostra bona?
eripuisti, heu heu nostrae crudele venenum 5
vitae, heu heu nostrae pestis amicitiae.
sed nunc id doleo, quod purae pura puellae
savia conminxit spurca saliva tua.
verum it non inpune feres: nam te omnia saecla
noscent, et qui sis fama loquetur anus. 10
Vocaubula
paranda
Notae
paranda
Contextus
paranda
Quaestiones ad comprehendendum
Alii Fontes
Perseus
