Catullus 4 — latine


3
4
English • Latine
5



phaselus ille, quem videtis, hospites,
     ait fuisse navium celerrimus,
neque ullius matantis impetum trabis
     nequisse praeter ire, sive palmulis
opus foret volare sive linteo.                        
5
     et hoc negat minacis Adriatici
negare litus insulasve Cycladas 
     Rhodumque nobilem horridamque Thraciam
propontida trucemve Ponticum sinum,
     ubi iste post phaselus antea fuit                10
comata silva: nam Cytorio in iugo
     loquente saepe sibilum edidit coma.
Amastri Pontica et Cytore buxifer,
     tibi haec fuisse et esse cognitissima
ait phaselus: ultima ex origine                        15
     tuo stetisse dicit in cacumine,
tuo imbuisse palmulas in aequore,
     et inde tot per inpotentia freta
Erum tulisse, laeva sive dextera
     vocaret aura, sive utrumque Iuppiter          20
simul secundus incidisset in pedem;
     neque ulla vota litoralibus deis
sibi esse facta, cum veniret a marei
     novissime hunc ad usque limpidum lacum.
sed haec prius fuere: nunc recondita                25
     senet quiete seque dedicat tibi,
gemelle Castor et gemelle Castoris.


1 comment:

  1. Sports Betting - Mapyro
    Bet the moneyline 출장안마 from 1:25 PM to febcasino.com 11:00 PM. See more. poormansguidetocasinogambling MapYO 출장마사지 Sportsbook 토토 사이트 features live odds, live streaming, and detailed information.

    ReplyDelete