Catullus 116 – latine


115
116
English • Latine
finis






















saepe tibi studioso animo venante requirens
     carmina uti possem mittere Battiadae,
qui te lenirem nobis, neu conarere
     telis infestis icere mi usque caput,
hunc video mihi nunc frustra sumptus esse laborem,
5
     Gelli, nec nostras hic valuisse preces.
contra nos tela ista tua evitamus amictu: 
     at fixus nostris tu dabi' supplicium.

No comments:

Post a Comment